Tout mo vini two kout …
Tout poézi pwan kouri !
Tout mélodi pèd son yo.
Ayen, Ayen pou eksprimé
La soufrans jodi…
Es bondié viré do?
Pou ki sa zot péyé?
Lè soley ka chofé,
I pa lévé pou brilé’w.

Lè lan mè vin mové,
I pa lévé pou chayé’w.
Lè zéklè ka pété,
I pa vini pou foudwayé’w.
Lè la tè ka tranblé,
I ka tranblé tranblé’y.
Haïti pwan kouraj !
Le mond ka di zot
Pwan lanmen nou fwè nou.
Nou chak la tou piti
Mé ansanm, gadé gwandè nou!
Nou chak la ni dé lanmen,
Mé ansanm gadé lanmen nou ni !
Ou pa rété zyé pou la pléré,
Mi zyé nou ka pléré baw.
Tchè’w ka débodé la penn
Mi tchè nou ka senyen ba’w!

source : Vents d’ailleurs.